Gaur
atzo ez bezala esnatuko zara.
Zeru urdinera begiratuko duzu.
Eta hirugarren pisuan bizi den
halargunarekin solastuko zara.
Hori dena,
laino xuabe eta ia harizpiekin lotutako hodeiak osatzen duten, ehun oihal handi baten pean.
Gaur
ere
asteartea izan daiteke.
Beste egun bat besterik.
Beste egun bat gure bizitzan.
Baina
gaur
esnatu egingo zara.
Eta kontuan izango duzu,
bizi zaren
ehun oihal honen azpian
gu bizi garela.
Zu eta ni guztiak.
Gizabanakoak.
Bakoitza bere transistorea buruan.
Transistore gogaigarria.
Gaur esnatu egingo zara.
Ixiltasun handi batean
eta zaratarik gabe,
esnatuko zara.
Berriro begiratuko diozu.
Sekula begiratu ez zenion horri.
Baina,
Esnatu egingo zara.
ftf.