Hemen nago: Matxete eta gau azul klee

Lehenengo post-a, ia hilik, ia hiltzorian geratu zen fastfatum honetatik.

Matxete, matxete batekin erditik ebaki bezala, erdi-erditik, bihotzetik, sentikor diren horien aurrean.

Eta bai hemen nago

Zenbat gauzetaz ohartzen den bat Matxete azul horretan, ixil, inor ez, astelehen urdin batean. Baina urdin-klee bat. Ez edonolako azula. Ruper, play it again, Ruper, surely it will be the last time since you disappeared in the shade, pilas tximist, oh bai.

Hemen nago, nonahi nago.

Eta zuetaz akordatu naiz, banan-bana, segundu batez, plaza horren bestalde horretan. Ez da kasualitatea izanen hutsik geratu izana. Bidazti deitu naute, eta nik esan diet ezetz, ni beti egon naizela hemen. Desagertu direnak, beraiek izan direla. ‘Denbora asko daramazu kanpoan…’ #wtf!

Belauntzirik gabe ibiltzen da gaur bat, ez belauntzi eta haizerik, eta sosegurik ez.

Hurrengo egunean, Florida parkean bueltak ematen, bat, bi, hiru…Gasteiz, izen ederra. Vitoria horripilantea, izatekotan.

Zenbat buelta gehiago eman behar, Floridako parkeko horretan, Kutxi-gora-eta-gutxi-behera. Matxete, Kutxi…azul klee-a ebakitzeko ahizto, kutxilo, matxete, eta enparau, ez dira lain gaurkoa mozteko. Gaurkoa ez. Gaurkoa neretzeko da soilik. Ohartzeko, dena hagitz nimiñoa dela, ustez tamainakoa ziren memoriak, Matxete plazan sartu daitezke, kaxa txiki bat izango balitz bezala. Eta denak hor barruan sartu zaituztet gaur azul klee horretan.

Oñati-Gasteiz, Lemington Spa-Birmingham…

Oinez hemeki Kutxin sartu, taberna erdiak itxita, igogailua hartu, ‘betiko’ kuadrila kañak hartzen…oinez gora, haizea badabil, haize leuna, haize…pisurik gabekoa, solid air.

Eta hemen nago.

Zuek ez zaudete.

Eta ni jada joan egin naiz…gau azul klee honek eraman nau, bere mantuan Malachitera, Zelanda Berrira edo….gertu

Hemen nago, nengoen, eta egonen naiz

 

 

Posesioak & Bihotzak

Ez dago ezer, arratsaldeko ordu haize erauntsiak jotzen duen horietan, eserita, zeru urdinera begiratzea bezalakorik.
Orduan konturatzen gara, ez dugula ezer inoiz posesioan izango.
Eskumuturrean, fuerte, ia odol guztia, tantanka, zukua balitz moduan, gurea den bihotza baino ez dugula izango betirako.
Beste ezer.
Eta hori guztia.
Gutxi balitz bezala.

Posesioak
bihotzak
denbora
kaleak
zure kafe hotza
nere ordulariaren orratzak
bihotzean ziztada egin
eta orduan hasten da
odola borborka ateratzen.

Seattle.
Izan liteke.
Nagoen hiri honen eraikin eta etxeetako teilatura begiratuz,
downtown-eko skycrapper-ak ere imajina nitzazke.
Horiek ere,
nere bihotzean beste ziztada bat.
Amodio masoka taurinoak.

Azkenean ezpaitago
gaurko arratsean
gure bihotzarekin nahi dugun
bakarrizketa baino gauza intimorik.
Eta “ezin dut denbora zurekin eman”
ezin dut,
bihotza
hustu eta ordulariek
haize erauntsiaren astindu eta keinuarekin,
etxerako bide luze
eta bueltaezinezkoa
erakusten didaten arte.

Orduan,
orduan bakarrik,
bihotzaren azken bentrikuluetako odol gutxi hori
edan egingo dut,
bihotza tolestatu
eta
poltsikoan sartuko dut.

Hori izango baita,
eta da, in fact,
nere posesio bakarra.
ftf.

Gasteiz & Ani

4pm.
Florida parkean egongo bagina bezala gaude, begiak, ixten ditugunean.
Han egongo bagina bezala. Baina hemen gaude.

Begiak irekitzen ditugu eta beste alde horretara egiten dugu:
Bero sargorea, Illinois inguruan edo, eta Greyhound-a atzean utzi dugu.
Eta Florida parkean aurkitzen gara.
Dena berdin dago.
Gure barruan zerbait aldatu bada ere.
Zerbait baino, guztia.
Ikusten duguna ez da berdina baina jendea ezer gertatuko ezpalitz bezala jokatzen du.

Eta ni zurekin akordatzen Ani.
Zure kemenaz eta malaostiaz.
Eta garraxi egiten duen emakume horretaz.
Nik entzuten dizut.
Oso garbi hemen egongo bazina bezala.

Guztia aldatu denean
eta ezer gertatu ezpalitz bezala,
urteen bueltan.

Eta zu izango zara,
nere Joyful girl hori.
Betirako.
Zure tximetan galdurik,
uda sargorearen korrika ateratzeko beharra.
Gogoa eta grina.
Parametro normaletatik aldenduz.
Baina edertasun eta zeru grisaren pare,
begirada aske eta antikonbentzionala.

Zure tximetan galduko naiz.
Begiak irekiko ditut Florida parkean etzanda nagoelarik.

Espero dut,
begiak irekitzen ditudanean,
hor egongo zarela.
Zure tximetan,
orotara
baso batean bezala
gal nadin.

Gaur arratsaldea
den
une eta leku mugagabe horretan barna.
ftf.